Dinghiridera
Dinghi-dinghiridindi-dighiridera…
Privendemi de una costa miaT’at generadu Deu SoberanuE benis a innoghe a mi ponner marranu!?Sa ‘oghe mia est ‘oghe de anghelu,S’abbivant sas istellas in su cheluA custu sonu de amore e pagheFrima e forte che unu nuragheArmonica, intonada e fiera.
Dinghi-dinghiridindi-dighiridera…
So deo sa femina chi cantendeAllegrat finas a su rusignolu.Sa ‘oghe durche de su pipioluM’at dadu sa natura generosa.Cando cant’eo fiorit sa rosaM’accumpagnat su riu canta cantaMi sorriet sa zente tota cantaMustrendemi un’istima sintzera
Dinghi-dinghiridindi-dighiridera…
Sa 'oghe mia est sa pius potenteChi mancu tue nd’as un’idea,Bella che i’su sole in orienteCando saludat sa terra intrea.Daghi b’at gara su premiu leatCa m’iscurtat sa zente riverente.‘Uriosa che bentos de traschìaMa connoschet finas sa melodia.
Dinghi-dinghiridindi-dighiridera…
Finida s’istajone frittorosaS’acherat su ‘eranu sorridente.Sa ‘oghe mia no, no est potenteMa ninnat e carignat ogni cosa.In sa die ‘e s’affidu est un’isposaBella, candida pura e lughente.A custu sonu si mudat sa terraIrmentighende dogni cuntierra.
Dinghi-dinghiridindi-dighiridera…
Mama Natura chi est gloriosaDe dogni cosa issa est reina.A nois duos at dadu un’istrina,Una potente, una armoniosa.Che vena de abba bundantziosaNo finat mai custa serentina.Cantende umpare donamus recreu,Dae Chelu nos beneigat Deus.