Italian Folk "Peregrinassion lagunarie(e mi me ne son 'ndao...)" lyrics

Translation to: IT ES

E mi me ne so' ‘ndao
donde che 'i feva i goti
ziogando la spineta
ai altri ciochi.

Mi go de le fugasse,
de quele de Malghera,
go caminao par tera
fin a Fusina.

Dal trasto a la sentina
co’ un batelin da s-ciopo
andevo de galopo
a la Zueca.

Go caminao la seca
tuta la pescaria,
go da' la popa indrìo
ai do castei.

Go visto l’orto dei Abrei
co’ tute le Vignole,
da le Vignole indrìo
me so’ reduto.

Go caminao par tuto,
go visto un buraneo,
l’aveva un bel çestelo
a l’ha mostrao.

E mi me ne so' ‘ndao
donde ch' 'i feva le scuèle,
ziogando la spineta
le done bele.