BAP "Almanya" Слова песни

Перевод на:de

Almanya

Uss Anatolien kohm eh, uss Kozan, vüür circa fuffzehn Johr,ahn 'nem nasskahle Februarohvend ahn.Hä dä nie wigger wohr als bess Adana -Usser domohls beim Militär,als eh noh Trabzon moht, ahn't Schwaaze Meer."Almanya" heeß och do dat Zauberwoot,doch eez drei Kinder späder kohme her.

[Refrain:]Almanya - Traumziel, Märchenland.Almanya - domohls wohrs du noch unbekannt.

En feuchte Bruchbuud un 'ne Tiefbaujob,un immer am Eng vum Mohnd die Überweisung heimun en Veedelstund beim blonde Frollein,dat er dofür belohnt hätt.Dausendundein Naach besse'se nohhollt,sing Frau un sing Kinder, die en nimieh erkannt hann.Jet späder dann die Frooch vum äldste Sonn,wieso se'n en der Schull "Kanake" jenannt hann.

[Refrain]

Et jing lang joot, trotz Sprüch un Hookekrüzze,die'e zo spät für voll nohm.Die'e erkannt hätt als Ihssbirchspetze,eez wie'n dä Naach de "Schmier" kohmun Ahmed braat, dä stolzer als Papa.Blootöverströmt - et heeß, er hättsechs junge Deutsche en der Bahn bedroht -"grundlos" - met 'nem Stilett.

[Refrain]

En Anatolien, en Kozan,hann fünf entlossne Sklave,erömmjeschubbste wieße "Nigger" -'ne Draum vum Märchenland bejravve.Nä, dat kann wirklich keine Zofall sinn,dat sich "Dichter un Denker"su erschreckend joot reimt - immer noch -op "Richter un Henker".

Здесь можно найти слова песни Almanya BAP. Или текст стиха Almanya. BAP Almanya текст.