Nilufar Usmonova "Shaka bum" Liedtext

Tonglar kech otganda xafa bo‘lmayman,
Quyosh kech botganda xafa bo‘lmayman.
Muammolaring hal bo‘lib ketar sekin,
Topa olmaysan sog‘ligingni lekin.

Do‘stlarim aldasa, xafa bo‘lmayman,
Yor meni demasa, xafa bo‘lmayman.
Vaqti keladi, vaqti keladi,
Hamma o‘zi uchun biladi.

Bir bor kelamiz axir dunyoga.
Raqsga tush bugun, shaka bum, shaka bum,
Hayotda yashab ko‘r o‘zing uchun.
O‘tadi bugun, shaka bum, shaka bum,
Hammasi oldinda hali.

Raqsga tush bugun, shaka bum, shaka bum,
Hayotda yashab ko‘r o‘zing uchun.
O‘tadi-ketadi hayotda sevgi,
Raqsga tush endi.

Ustimdan kulsalar, xafa bo‘lmayman,
Qalbimni tilsalar, xafa bo‘lmayman.
Xafa bo‘laman, xafa bo‘laman lekin
Mehrimni baholashsalar agar tekin.

Yaqinlarim sotsa, xafa bo‘lmayman,
Yoki toshlar otsa, xafa bo‘lmayman.
Kunlar o‘tadi, oylar o‘tadi,
Hamma-hammasi unutiladi.

Bir bor kelamiz axir dunyoga.
Raqsga tush bugun, shaka bum, shaka bum,
Hayotda yashab ko‘r o‘zing uchun.
O‘tadi bugun, shaka bum, shaka bum,
Hammasi oldinda hali.
Raqsga tush bugun, shaka bum, shaka bum,
Hayotda yashab ko‘r o‘zing uchun.
O‘tadi-ketadi hayotda sevgi,
Raqsga tush endi.
(x2)

Har soniyamiz in’om
Qoldiraylik yaxshi nom.
Besh kunlik dunyoda
O‘ynab-kulib, bo‘laylik omon.

Har soniyamiz in’om,
Qoldiraylik yaxshi nom.
Besh kunlik dunyoda
Bo‘laylik omon.