Oum Kalthoum "Hajartak (هجرتك)" Songtext

Übersetzung nach:en

Hajartak (هجرتك)

هجرتك يمكن أنسى هواك.. وأودع قلبك القاسي

وقلت اقدر في يوم أسلاك.. وأفضي م الهوى كاسي

لقيت روحي في عز جفاك.. بافكر فيك وانا ناسي

غصبت روحي على الهجران.. وانت هواك يجري ف دمي

وفضلت أفكر في النسيان.. لما بقى النسيان همي

لو خطر حبك في بالي.. والا زار طيفك خيالي

حاولت أهرب م الأفكار..اللي تشعل نار حبي

وافضلت وانا بالي محتار.. في الحب بين عقلي وقلبي

وكان هجري عشان أنساك.. واودع قلبك القاسي

لقيت روحي في عز جفاك.. بافكر فيك وانا ناسي

صعبان عليّ جفاك.. بعد اللي شفته في حبك

مش قادر انسى رضاك.. أيام ودادك وقربك

لكن اعمل ليه ايه..وانا قلبي لسه صعبان علي

صعبان عليه ان اتمنى .. قربك

ونال مراده واتهنى .. بنعيم حبك

ورجعت تسقيه من صدك .. كاس الهجران

وتفوت عليه أيام بعدك .. سهد وحرمان

وكان أماني في يوم أنساك.. وأودع قلبك القاسي

لقيت روحي في عز جفاك.. بافكر فيك وانا ناسي

ياما حاولت أنساك .. وانسى ليلي هواك

وانسى الجمال اللي شفته.. في الوجود وياك

حرمت روحي من كل لنسمة.. كانت بتسري بينك وبيني

وحرمت روحي من كل نعمة.. كانت بتحلى وياك ف عيني

وقلت أعيش من غير ذكرى.. تخلي قلبي يحن إليك

ما فضلش عندي ولا فكرة.. غير إني أنسى أفكر فيك

وصبحت بين عقلي وقلبي.. تايه حيران

أقول لروحي من غلبي.. أنسى النسيان

مادام باهجر عشان أنساك.. وأودع قلبك القاسي

واشوف روحي في عز جفاك.. بافكر فيك واناناسي

Hier finden Sie den Text des Liedes Hajartak (هجرتك) Song von Oum Kalthoum. Oder der Gedichttext Hajartak (هجرتك). Oum Kalthoum Hajartak (هجرتك) Text. Kann auch unter dem Titel Hajartak هجرتك bekannt sein (Oum Kalthoum) Text.